نرتّب لك السوق..وأنت تبيع

مين احنا

قوائم المنشآت (Business Directories) متجر يبيع قوائم منشآت جاهزة حسب المجال والمدينة. عندنا اليوم 127 قائمة في 14 مجال و22 مدينة، فيها +70,000 منشأة.

نخدم كل اللي يبيع للمنشآت. أول خطوة في البيع إنك تعرف مين تكلّم، وجمع الأسماء والأرقام من الخرائط يأكل وقتك قبل ما تبدأ. فنسويها عنك: ملف واحد مرتب، تحمّله وتبدأ تتواصل من نفس اليوم.

من وين تجي البيانات

ما نبيع أرقام عشوائية. كل اللي في قوائمنا بيانات تواصل تجارية تعلنها المنشآت لعملائها: الاسم التجاري، والمجال، والعنوان، ورقم التواصل، والموقع وحسابات التواصل إذا كانت معلنة.

نجمعها من مصادر عامة موثوقة، أهمها الخرائط ومواقع المنشآت نفسها. وما نبيع قائمة ما نعرف مصدرها.

كيف نفحص القائمة قبل ما تنباع

1. نطابق: كل منشأة بين أكثر من مصدر.
2. نفلتر: نشيل المكرر، واللي ما يخص المجال.
3. نراجع يدوياً قبل ما نعرض القائمة للبيع.
4. نرتّب: حسب المجال والتصنيف الفرعي والمدينة، ونبيّن نوع كل رقم، ونحط لكل جوال رابط واتساب.

والعدد اللي تشوفه في صفحة القائمة مقرّب لتحت، فملفك فيه نفس العدد أو أكثر.

ونقولها لك بصراحة: المنشآت تفتح وتقفل وتغيّر أرقامها، وما فيه قائمة تبقى صحيحة مئة بالمئة. ولهذا عندنا تحديثات، وعندنا ضمان.

اللي في الملف

يوصلك الملف بصيغتين، Excel وCSV، وكل صف فيه منشأة وحدة:

التحديثات

نحدّث القوائم كل 3 أشهر، في مارس ويونيو وسبتمبر وديسمبر. وأول تحديث بعد شرائك مجاني.

بعده لك خيارين: تشتري التحديث وقت ما تحتاجه بـ20% من سعر القائمة، أو تشترك سنوياً بـ20% ويوصلك 3 تحديثات خلال سنة، فوق التحديث الأول المجاني. والتجديد برابط يوصلك على إيميلك، وما نخصم منك شي تلقائي.

ضمان الدقة +95%

+95% دقة، أو نعوّضك. إذا زادت الأرقام الخاطئة عن 5% خلال 14 يوم من الشراء، لك رصيد في المتجر عن كل رقم منها، تستخدمه في أي قائمة.

الرقم الخاطئ هو اللي طلع غير موجود أو مفصول، أو رد عليك أحد وقال إنه ما يخص المنشأة. أما الرقم اللي ما يرد، أو مشغول، أو ما عليه واتساب، فما ينحسب خاطئ.

وقيمة كل رقم هي سعر القائمة مقسوم على عدد منشآتها. ترسل لنا رقم الطلب والأرقام نفسها، ونرد عليك خلال 3 أيام عمل.

متى نرجّع لك المبلغ

القائمة ملف رقمي يبقى عندك بعد التحميل، فما نرجّع مبلغها لأنك غيّرت رأيك. ونرجّعه كامل في هذي الحالات:

• ما وصلك الملف، أو وصلك تالف وما قدرنا نصلحه.
• انخصم المبلغ أكثر من مرة لنفس الطلب.
• أرسلنا لك قائمة غير اللي اشتريتها، وما قدرنا نرسل لك الصحيحة.

والقائمة المخصصة لها حماية زيادة: إذا لقينا أقل من 100 منشأة تختار استرجاع المبلغ أو رصيد في المتجر، وإذا ما لقينا ولا منشأة نرجّع لك المبلغ كامل. والتفاصيل كلها في سياسة الاسترجاع.

تشوف قبل ما تدفع

صفحة كل قائمة تعرض لك عدد منشآتها، وتصنيفاتها الفرعية، وأعمدة ملفها، ونسبة كل وسيلة تواصل، وسعرها.

وتقدر تجرّب بنفسك: تشوف عشر منشآت من القائمة بأسمائها، وبياناتها كاملة توصلك على بريدك بملف Excel وCSV. ولكل عميل عينتين مجاناً.

الدفع والتسليم

• ملفك فور الدفع: تحمّله من صفحة طلبك، ويوصلك رابطه على إيميلك صالح 7 أيام.
• يبقى لك: كل قوائمك في «قوائمي»، وتدخل لها برمز يوصلك على إيميلك، بدون كلمة مرور.
• دفع آمن: تدفع عن طريق مزود دفع معتمد، بالدولار، وما نشوف بيانات بطاقتك وما نحفظها.
• فاتورة لكل طلب برقمها. وإذا شركتك تحتاج فاتورة قبل الدفع، نرسلها لك برابط دفع.

مين تفيده القوائم

كل منشأة عملاؤها منشآت. ولكل قطاع صفحة تشرح له عملاءه وكيف يبدأ معهم:

• الموردون والموزعون: يوصلون للمطاعم والفنادق والبقالات.
• وكالات التسويق: تلقى منشآت تحتاج خدماتها.
• شركات الصيانة والنظافة: توصل لمنشآت تحتاج عقود مستمرة.
• شركات البرامج والأنظمة: تعرض نظامها على المجال اللي يحتاجه.
• مكاتب التصميم والمطابع: توصل للي يطلب المنيو واللوحات والعلب.
• فرق المبيعات: توزّع المدن والمجالات على المندوبين.

اللي ما نسويه

• ما نوعد بردود أو مبيعات. نعطيك الخط، والبيع شطارتك.
• ما نبيع بيانات عملائنا ولا نأجرها، وما نرسل لك إلا اللي طلبته.
• ما نضغط عليك: السعر قدّامك، والعينة مجانية، والقرار لك.

إذا كانت منشأتك في قوائمنا

لأي منشأة الحق تطلب تصحيح بياناتها أو حذفها. أرسل الطلب من صفحة التواصل، وإذا تأكدنا إنه من المنشأة نفسها، نصحح بياناتها أو نحذفها من قوائمنا ومن كل تحديث بعده.

تواصل معنا

عندك سؤال قبل ما تشتري؟ اكتب لنا من نموذج التواصل، ونرد عليك.

ابدأ مع القوائم الجاهزة ←